قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №720 

  2015 جىلعى 25 قاراشا,استانا قالاسى ەلەكتروندىق ساۋدانى جۇزەگە اسىرۋ ەرەجەسىن بەكىتۋ تۋرالى «ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى قازاقستان رەسپۋبليكاسى زاڭى 29-بابىنىڭ 3-تارماعىنا سايكەس, بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا ەلەكتروندىق ساۋدانى جۇزەگە اسىرۋ ەرەجەسى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ ساۋدا قىزمەتىن رەتتەۋ دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشى م.قۇسايىنوۆ «كەلىسىلگەن» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى __________________ ءا.يسەكەشەۆ 2015 جىلعى «____»___________ «كەلىسىلگەن» قازاقستان رەسپۋبليكاسىنىڭ قارجى ءمينيسترى __________________ ب.سۇلتانوۆ 2015 جىلعى «____»___________ «كەلىسىلگەن» قازاقستان رەسپۋبليكاسىنىڭ ۇلتتىق بانكىنىڭ توراعاسى __________________ د.اقىشەۆ 2015 جىلعى «____»___________ قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ مىندەتىن اتقارۋشىسىنىڭ 2015 جىلعى 25 قاراشاداعى №720 بۇيرىمەن بەكتىلگەن ەلەكتروندىق ساۋدانى جۇزەگە اسىرۋ قاعيدالارى 1. جالپى قاعيدالارى 1. وسى ەلەكتروندىق ساۋدانى جۇزەگە اسىرۋ قاعيدالارى (بۇدان ءارى – قاعيدالارى) قازاقستان رەسپۋبليكاسىنىڭ «ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى زانىنا سايكەس ازىرلەندى جانە ەلەكتروندىق ساۋدانى جۇزەگە اسىرۋ ءتارتىبىن ايقىندايدى. 2. وسى قاعيدالارىنىڭ قولدانىسى قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىنا سايكەس جۇزەگە اسىرىلاتىن تاۋارلار, جۇمىستار مەن قىزمەتتەردى مەملەكەتتىك ساتىپ الۋعا, قازاقستان رەسپۋبليكاسىنىڭ ۇلتتىق بانكىنىڭ, ونىڭ قۇرامىنا كىرەتىن ۆەدومستۆولارى, ۇيىمدارى جانە زاڭدى تۇلعالارىمەن, ەلۋ جانە ودان كوبىرەك داۋىس قۇقىعىن بەرەتىن اكتسيالاردى (جارعىلىق كاپيتالداعى قاتىسۋ ۇلەسى) قازاقستان رەسپۋبليكاسىنىڭ ۇلتتىق بانكىنىڭ نەمەسە ونىڭ م ۇلىگىن باسقارۋىنداعى جانە ولاردىڭ اففيليرلەنگەن زاڭدى تۇلعالارىمەن ساتىپ الىناتىن تاۋارلارعا, جۇمىستار مەن قىزمەتتەرگە قولدانىلمايدى. 3. وسى قاعيدادا پايدالانىلاتىن ۇعىمدار مەن تەرميندەر قازاقستان رەسپۋبليكاسىنىڭ زاڭناماسىنا سايكەس قولدانىلادى. 4. ەلەكتروندىق ساۋداعا قاتىسۋشىلاردىڭ قۇقىعى مەن زاڭدى مۇددەلەرىن قورعاۋ قازاقستان رەسپۋبليكاسىنىڭ زاڭنامالىق اكتىلەرىنە سايكەس جۇزەگە اسىرىلادى. 2. ەلەكتروندىق ساۋداعا قاتىسۋشىلار 5. ەلەكتروندىق ساۋداعا: ەلەكتروندىق ساۋداعا ساتىپ الۋشى, ساتۋشى جانە (نەمەسە) دەلدال رەتىندە قاتىسۋشى جەكە جانە زاڭدى تۇلعالار (ەلەكتروندىق ساۋداعا قاتىسۋشىلار); اقپاراتتىق جۇيەلەر مەن تەلەكوممۋنيكاتسيالىق جەلىلەردى قولدانۋمەن ساتۋعا جانە ساتىپ الۋعا ۇسىنىستارى بار ەلەكتروندىق قۇجاتتاردى (ەلەكتروندىق حابارلامالاردى) الۋ, ورنالاستىرۋ, بەرۋ, ساقتاۋ بويىنشا قىزمەت كورسەتەتىن زاڭدى تۇلعالار جانە جەكە كاسىپكەرلەر (بۇدان ءارى - دەلدال); ءتيىستى تاۋارلاردى الەۋەتتى ساتىپ الۋشىلار بولىپ تابىلاتىن زاڭدى تۇلعالار, جەكە كاسىپكەرلەر جانە جەكە تۇلعالار (بۇدان ءارى - ساتىپ الۋشى): بەلگىلى ءبىر تاۋاردى وتكىزۋگە ۇسىناتىن زاڭدى تۇلعالار جانە جەكە كاسىپكەرلەر (بۇدان ءارى - ساتۋشى); زاڭدى تۇلعالار, جەكە كاسىپكەرلەر (بۇدان ءارى – كوممەرتسيالىق ساتۋشى); كاسىپكەرلىك قىزمەت ماقساتىسىز ءبىر رەتتىك تارتىپتە تاۋارلاردى ساتۋعا ۇسىناتىن جەكە تۇلعالار (بۇدان ءارى – كوممەرتسيالىق ەمەس ساتۋشى) قاتىسادى. 6. كوممەرتسيالىق ساتۋشى جانە (نەمەسە) دەلدال ساۋدا قىزمەتىن رەتتەۋ سالاسىنداعى ۋاكىلەتتى ورگانعا, مەملەكەت الدىنداعى سالىق مىندەتتەمەلەرىنىڭ ورىندالۋىنا سالىق باقىلاۋىن قامتاماسىز ەتەتىن مەملەكەتتىك ورگانعا جانە قۇقىق قورعاۋ ورگاندارىنا ءوزى تۋرالى ەلەكتروندى نىساندا قازاق جانە/نەمەسە ورىس تىلدەرىندە, ال قاجەتتى جاعدايدا باسقا تىلدەردە شىنايى اقپاراتقا ءتيىستى قول جەتكىزۋدى قامتاماسىز ەتەدى. بۇل اقپارات مىناداي مالىمەتتەردى قامتيدى: جەكە كاسىپكەر رەتىندە تىركەلگەن جەكە تۇلعانىڭ تەگى, اتى جانە اكەسىنىڭ اتى (بار بولعان كەزدە), زاڭدى تۇلعانىڭ ونىڭ ۇيىمدىق-قۇقىقتىق نىسانى كورسەتىلە وتىرىپ, تولىق اتاۋى; زاڭدى تۇلعانىڭ تۇرعىلىقتى جەرى جانە مەملەكەتتىك تىركەلگەنى تۋرالى مالىمەت نەمەسە جەكە كاسىپكەردىڭ تىركەلگەنى; ليتسەنزياسىنىڭ بولۋى (زاڭناما تالاپتارىنا سايكەستىگى كەزىندە), ليتسەنزيا ءنومىرى, ليتسەنزيانىڭ قولدانىلۋ مەرزىمى, ليتسەنزيانى بەرگەن مەملەكەتتىك ورگاننىڭ اتاۋى تۋرالى مالىمەت, زاڭدى تۇلعالار ءۇشىن بيزنەس يدەنتيفيكاتسيونالىق ءنومىرى, جەكە كاسىپكەرلەر ءۇشىن جەكە يدەنتيفيكاتسيونالىق ءنومىرى, پوچتالىق جانە ەلەكتروندىق مەكەن-جايى, سونداي-اق تەلەفون ءنومىرى. 7. ەلەكتروندىق ساۋدادا دەلدال اقپاراتتىق جۇيەدە قامتىلعان ەلەكتروندىق اقپاراتتىق رەسۋرستارىنداعى اقپاراتتىق رەسۋرستارداعى ورنالاسقان اقپاراتتىڭ تۇتاستىعىن جانە قۇپيالىعىن قامتاماسىز ەتەدى. 8. ەلەكتروندىق ساۋداداعى دەلدال: 1) ەلەكتروندىق قۇجاتتاردا (ەلەكتروندىق حابارلامالاردا) قامتىلعان اقپاراتتى جاريا ەتپەيدى, 2) ەگەر ەلەكتروندىق ساۋدانىڭ باسقا قاتىسۋشىلارىمەن جاساسقان شارتتا نەمەسە قازاقستان رەسپۋبليكاسىنىڭ زاڭدارىندا وزگەشە كوزدەلمەسە, ەلەكتروندىق قۇجاتتاردى (ەلەكتروندىق حابارلامالاردى) نەمەسە ولاردىڭ كوشىرمەلەرىن, ونىڭ ىشىندە ولارداعى قامتىلعان اقپاراتتى ءۇشىنشى تۇلعالارعا بەرمەيدى, 3) ەگەر ەلەكتروندىق ساۋدانىڭ باسقا قاتىسۋشىلارىمەن جاساسقان شارتتا نەمەسە قازاقستان رەسپۋبليكاسىنىڭ زاڭدارىندا وزگەشە كوزدەلمەسە, ەلەكتروندىق قۇجاتتاردى (ەلەكتروندىق حابارلامالاردى) نە ولاردى پايدالانۋ ءتارتىبىن وزگەرتپەيدى; 4) تاۋارعا باعانى تەك ۇلتتىق ۆاليۋتادا بەكىتۋدى قامتاماسىز ەتەدى. 9. كوممەرتسيالىق ساتۋشى ەلەكتروندىق ساۋدانى جۇزەگە اسىرۋ كەزىندە ەلەكتروندىق اقپاراتتىق رەسۋرستاردى, ونىڭ ىشىندە ەلەكتروندىق ساۋداداعى دەلدال ارقىلى ساقتاۋدى ۇيىمداستىرادى. 10. كوممەرتسيالىق ساتۋشى دەلدالمەن ساتۋعا ۇسىنىستارى بار ەلەكتروندىق قۇجاتتاردى (ەلەكتروندىق حابارلامالاردى) ورنالاستىرۋ قۇقىعىنا, سونداي-اق ساتۋشىنى ماماندانۋى بويىنشا ساتىپ الۋعا كەلىپ تۇسكەن سۇراۋ سالۋلاردىڭ ىشىنەن ىزدەۋ قىزمەتىنە جازباشا نىسانداعى كەلىسىمشارت جاسايدى. دەلدالدىڭ قىزمەتىنە ساتۋشىمەن تولەم تاراپتار اراسىنداعى كەلىسىم بويىنشا شارتتا بەلگىلەنگەن مولشەردە جانە مەرزىمدە جۇرگىزىلەدى. 11. اقپاراتتىق جۇيەدە قامتىلعان ەلەكتروندىق اقپاراتتىق رەسۋرستارعا قول جەتكىزگەنى ءۇشىن ساتىپ الۋشىلارمەن تولەم جۇرگىزىلمەيدى. 3. ەلەكتروندىق ساۋدانى جۇزەگە اسىرۋ ءتارتىبى 12. نوتاريالدىق كۋالاندىرۋدى نەمەسە مەملەكەتتىك تىركەۋدى تالاپ ەتپەيتىن شارتتار تۇپنۇسقالىعى قازاقستان رەسپۋبليكاسىنىڭ ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى زاڭناماسىنا سايكەس كۋالاندىرىلعان ەلەكتروندىق تسيفرلىق قولتاڭبامەن كۋالاندىرىلعان ەلەكتروندىق قۇجاتتارمەن نەمەسە ەلەكتروندىق حابارلامالارمەن (وفەرتانى, اكتسەپتى, وفەرتانى الۋدى راستاۋ) الماسۋ جولىمەن جاسالادى. 13. ەلەكتروندىق ساۋدادا جاسالعان شارتتا ونىڭ جەكەلەگەن شارتتارى (ولاردىڭ بار بولعان جاعدايىندا) شارتقا ءتيىستى اقپاراتتىق جۇيەگە ورنالاستىرىلعان ەلەكتروندىق قۇجاتقا سىلتەمە ارقىلى ەنگىزىلە الاتىنى كوزدەلۋى مۇمكىن. بۇل جاعدايدا ەلەكتروندىق قۇجاتتى ورنالاستىرعان تاراپ شارتتىڭ ارەكەت ەتۋى مەرزىمى ىشىندە وعان كەدەرگىسىز قول جەتكىزۋ مۇمكىندىگىن قامتاماسىز ەتەدى, ال وسى مەرزىم اياقتالعان سوڭ وسىنداي قۇجاتتىڭ قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن ساقتالۋىن قامتاماسىز ەتەدى. 14. ەلەكتروندىق ساۋداداعى شارت وفەرتادا بەلگىلەنگەن مەرزىمدە اكتسەپتى الۋ ساتىنەن باستاپ جاسالدى دەپ سانالادى. وفەرتا جانە اكتسەپت قازاقستان رەسپۋبليكاسىنىڭ زاڭناماسىنا سايكەس شارتتىڭ ەلەۋلى تالاپتارىنان تۇرادى. 15. وفەرتادا كورسەتىلگەن شارتتىڭ تالاپتارى وفەرتانى الۋشىعا ولاردى ساقتاۋعا جانە مولايتۋعا مۇمكىندىك بەرەتىن نىساندا ۇسىنىلادى. ساتۋشى قازاقستان رەسپۋبليكاسىنىڭ «ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى جانە «تۇتىنۋشىلاردىڭ قۇقىقتارىن قورعاۋ تۋرالى» 2010 جىلعى 4 مامىرداعى زاڭدارىنا سايكەس تاۋارلار تۋرالى شىنايى اقپارات ۇسىنادى. 16. ەلەكتروندىق ساۋدانى جۇزەگە اسىرۋ كەزىندە وفەرتانى ءوز اتىنان ەلەكتروندىق نىساندا جىبەرەتىن كوممەرتسيالىق ساتۋشى: 1) وفەرتاعا شارتتىڭ ماڭىزدى تالاپتارىن ەنگىزۋگە نەمەسە ولاردى ايقىنداۋ ءتارتىبىن كورسەتۋگە, سونداي-اق قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن وزگە دە تالاپتاردى ەنگىزەدى; 2) شارتتى جاساسۋ ءتارتىبى تۋرالى پوتەنتسيالدىق ساتىپ الۋشىلارعا اقپاراتتى ۇسىنادى; 3) «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» (سالىق كودەكسى) قازاقستان رەسپۋبليكاسىنىڭ كودەكسىندە ايقىندالعان تارتىپپەن شوت-فاكتۋرانى ەلەكتروندىق فورمادا جازىپ بەرۋگە, سونداي-اق «بۋحگالتەرلiك ەسەپ پەن قارجىلىق ەسەپتiلiك تۋرالى» قازاقستان رەسپۋبليكاسىنىڭ 2007 جىلعى 28 اقپانداعى زاڭىنا سايكەس باستاپقى eceپكe الۋ قۇجاتتارىنىڭ كوشىرمەلەرىن پوتەنتسيالدىق ساتىپ الۋشىلارعا بەرەدى; 4) ەاەو اۋماقتىق تاۋارلاردا اكەلىمدە ەاەو جانە قازاقستان رەسپۋبليكاسىنىڭ كەدەن زاڭدار ورىندالۋىنا قامتاماسىز ەتىپ جاتىر; 5) قازىنالىق جاد جانە POS–تەرمينالى بار باقىلاۋشى - كاسسالىق ماشينانى قولدانۋ ءتارتىبىن ساقتاۋدى قامتاماسىز ەتەدى. 17. ساتۋشىدان شىققان وفەرتالار نەمەسە وفەرتا جاساۋعا شاقىرۋلار, سونداي-اق ولار ۇسىناتىن تاۋارلار تۋرالى وزگە مالىمەتتەر ارنايى ءبىلىمى جوق ادرەساتقا الىنعان مالىمەتتەردى ەلەكتروندىق ساۋداعا قاتىستى ەكەنىن ءبىر جاقتى انىقتاۋعا جانە شارتتى جاساسۋ كەزىندە ساتۋشىنىڭ قۇقىقتىق جاعدايى, ولار ۇسىناتىن تاۋارلار, ولاردىڭ باعالارى جانە ولاردى ساتىپ الۋ شارتتارى تۋرالى شىنايى اقپارات جاساۋعا مۇمكىندىك بەرەتىن نىساندا ۇسىنىلادى. 18. وسى قاعيدالاردىڭ 8-تارماعى 3) تارماقشاسىمەن كوزدەلگەن تالاپتاردى ورىنداعان كەزدە دەلدالدار ولار قىزمەت كورسەتكەن ەلەكتروندىق قۇجاتتار (ەلەكتروندىق حابارلامالار) پايدالانىلىپ جاسالعان شارتتار بويىنشا جاۋاپكەرشىلىك جۇكتەمەيدى. 19. ەگەر تاراپتاردىڭ كەلىسىمىمەن وزگەشە كوزدەلمەسە, ەلەكتروندىق حابارلاما (وفەرتانى, اكتسەپتى, وفەرتانى الۋدى راستاۋ) الۋدى راستاۋ جىبەرۋشىگە ونى العانى تۋرالى راستاۋدى جىبەرۋ جولىمەن جۇرگىزىلەدى, ول ەلەكتروندىق حابارلاما بولىپ تابىلادى. 20. ەلەكتروندىق ساۋدا مامىلەلەرى بويىنشا اقشا تولەمدەرى مەن اۋدارىمدارىن جۇزەگە اسىرۋ تاسىلدەرى قازاقستان رەسپۋبليكاسىنىڭ اقشا تولەمى مەن اۋدارىمى تۋرالى زاڭناماسىندا بەلگىلەنگەن تارتىپپەن جۇزەگە اسىرىلادى. ەلەكتروندىق ساۋدا كەلىسىمدەرى بويىنشا تولەمدەردى قايتارۋ «تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسىنىڭ 2010 جىلعى 4 مامىرداعى زاڭىنا سايكەس جۇزەگە اسىرىلاتىن بولادى. ەلەكتروندىق ساۋدادا قازاقستان رەسپۋبليكاسىنىڭ تولەمدەر جانە اۋدارىمدار تۋرالى زاڭنامالارىنا سايكەس قازاقستاندىق ەميتەنتتەرمەن شىعارىلعان ەلەكتروندىق اقشا قولدانىلادى. 21. سالىق سالۋ وبەكتىلەرى مەن سالىق سالۋعا بايلانىستى وبەكتىلەردى ايقىنداۋ ءۇشىن, سونداي-اق سالىقتىق مىندەتتەمەلەردى ەسەپتەۋ ءۇشىن نەگىزدەمە بولىپ تابىلاتىن ەسەپتىك قۇجاتتامانى جاساۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. 22. تاۋاردى ساتىپ الۋ-ساتۋ تۋرالى ەرەجە, سونىمەن قوسا تاۋاردى قايتارۋ جانە جەتكىزۋ شارتتارى ازاماتتىق زاڭناماسىمەن سونداي-اق «تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسىنىڭ 2010 جىلعى 4 مامىرداعى زاڭىمەن رەتتەلەدى. 23. قۇجاتتاردى, جازبالاردى نەمەسە وزگە اقپاراتتى ساقتاۋ قاجەت بولعان كەزدە مىناداي تالاپتار ساقتالادى: 1) وندا بار اقپارات كەيىننەن سىلتەمە جاساۋ ءۇشىن پايدالانىلۋى مۇمكىن بولسا, 2) ەلەكتروندىق قۇجاتتار (ەلەكتروندىق حابارلامالار) ولار قۇراستىرىلعان, بەرىلگەن نەمەسە الىنعان فورماتتى ساقتايدى, 3) ەلەكتروندىق قۇجاتتار (ەلەكتروندىق حابارلامالار) ولار ەلەكتروندىق قۇجاتتاردى (ەلەكتروندىق حابارلامانى) جىبەرۋشىنى جانە الۋشىنى, سونداي-اق ولاردى قۇراستىرۋ نەمەسە الۋ كۇنى مەن ۋاقىتىن ايقىنداۋعا مۇمكىندىك بەرەتىن شامادا ساقتالادى, 4) ەلەكتروندىق ساۋدا تۋرالى زاڭنامادا نەمەسە تاراپتار كەلىسىمىندە كوزدەلگەن وزگە شارتتاردى ساقتاۋ كەزىندە. 24. وسى قاعيدالارىنىڭ 23-تارماعىنا سايكەس ەلەكتروندىق قۇجاتتاردى (ەلەكتروندىق حابارلامانى) ساقتاۋ ماقساتىندا ەلەكتروندىق ساۋداعا قاتىسۋشىلار باسقا قىزمەتى پايدالانىلماعان دەلدالدىڭ قىزمەتتەرىن پايدالانۋى مۇمكىن. 25. اقپاراتتىق جۇيەنىڭ قاتە جۇمىس ىستەۋ سەبەبى بويىنشا جىبەرىلگەن قاتە اكتسەپت باعىتتالعان جاعدايدا ساتىپ الۋشى بەس كۇنتىزبەلىك كۇننەن كەشىكتىرمەي دەلدالدى كورسەتىلگەن فاكتىلەر تۋرالى حاباردار ەتەدى. 26. اقپاراتتىق جۇيەنىڭ قاتە جۇمىس ىستەۋى تۋرالى حابارلاما العان دەلدال اقپاراتتىق جۇيە جۇمىسىنداعى جۇيەلىك قاتەلىكتەردىڭ بار بولۋىن تەكسەرۋدى جۇزەگە اسىرادى. اقپاراتتىق جۇيەنىڭ قاتە جۇمىس ىستەۋى بويىنشا فاكتىلەر دالەلدەنگەن كەزدە دەلدال ساتىپ الۋشىنىڭ قاتە اكتسەپتىن قايتارىپ الۋىن جۇزەگە اسىرادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12689 بولىپ ەنگىزىلدى.